Dhalak ke girne se ye dil mera Dara hua hai

Dhalak ke girne se ye dil mirā Darā huā hai

chhalakte ashkoñ meñ us ne mujhe rakhā huā hai

ġhamoñ ke saare parinde hī is pe aa baiThe

ḳhushī kī rut meñ zarā sā jo dil harā huā hai

nahīñ haiñ bolne vaale jo chaar sū apne

hamāre kānoñ meñ ye shor kyuuñ bharā huā hai

mujhe milegā vo tinkā hī nāḳhudā ban kar

mire liye kisī tūfāñ meñ jo bahā huā hai

bujhā sake nahīñ tūfān-e-sīm-o-zar us ko

havā ke ruḳh pe charāġh-e-anā jalā huā hai

mirī bhī pahlī mohabbat thī sirf yak-tarfa

mire bhī saath huā sab se jo sadā huā hai

tumhāre pyaar kā qarzā hai is qadar dil par

faqīr-e-dil bhī to qistoñ meñ hī ghirā huā hai

hai saañs saañs meñ ḳhushbū usī kī ab 'sādī'

vafā kā phuul jo dil meñ mire khilā huā hai

Dhalak ke girne se ye dil mera Dara hua hai

chhalakte ashkon mein us ne mujhe rakha hua hai

ghamon ke sare parinde hi is pe aa baiThe

KHushi ki rut mein zara sa jo dil hara hua hai

nahin hain bolne wale jo chaar su apne

hamare kanon mein ye shor kyun bhara hua hai

mujhe milega wo tinka hi naKHuda ban kar

mere liye kisi tufan mein jo baha hua hai

bujha sake nahin tufan-e-sim-o-zar us ko

hawa ke ruKH pe charagh-e-ana jala hua hai

meri bhi pahli mohabbat thi sirf yak-tarfa

mere bhi sath hua sab se jo sada hua hai

tumhaare pyar ka qarza hai is qadar dil par

faqir-e-dil bhi to qiston mein hi ghira hua hai

hai sans sans mein KHushbu usi ki ab 'sadi'

wafa ka phul jo dil mein mere khila hua hai