دھرتی کاٹے عنبر کاٹے
دھرتی کاٹے عنبر کاٹے
تم بن ہر اک منظر کاٹے
اس پاپی کا منتر کاٹے
کوئی پیر پیامبر کاٹے
پیار میں دنیا بلی بن کر
میرا رستہ اکثر کاٹے
فصل محبت کی دیوانی
دن بھر بوئے شب بھر کاٹے
رونے کے دن بھی آئے تھے
لیکن ہم نے ہنس کر کاٹے
تجھ بن مجھ کو نیند نہ آئے
رین ڈسے اور بستر کاٹے
دیتے ہو تم جن کی دہائی
وہ دن ہم نے اکثر کاٹے
اک ظالم شمشیر بکف ہے
دیکھو کس کس کا سر کاٹے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
