dharti se dur hain na qarib aasman se hum

dhartī se duur haiñ na qarīb āsmāñ se ham

kuufe kā haal dekh rahe haiñ jahāñ se ham

hindostān ham se hai ye bhī durust hai

ye bhī ġhalat nahīñ ki haiñ hindostāñ se ham

rakkhā hai be-niyāz usī be-niyāz ne

vābasta hī nahīñ haiñ kisī āstāñ se ham

rakhtā nahīñ hai koī shahādat kā hausla

us ke ḳhilāf laa.eñ gavāhī kahāñ se ham

mahfil meñ us ne haath pakaḌ kar biThā liyā

uThne lage the ek zarā darmiyāñ se ham

had jis jagah ho ḳhatm harīfān-e-'ḳhair' kī

vallāh shurū hote haiñ aksar vahāñ se ham

dharti se dur hain na qarib aasman se hum

kufe ka haal dekh rahe hain jahan se hum

hindostan hum se hai ye bhi durust hai

ye bhi ghalat nahin ki hain hindostan se hum

rakkha hai be-niyaz usi be-niyaz ne

wabasta hi nahin hain kisi aastan se hum

rakhta nahin hai koi shahadat ka hausla

us ke KHilaf laen gawahi kahan se hum

mahfil mein us ne hath pakaD kar biTha liya

uThne lage the ek zara darmiyan se hum

had jis jagah ho KHatm harifan-e-'KHair' ki

wallah shuru hote hain aksar wahan se hum