dhoka tha har ek barg pe TuTe hue par ka

dhokā thā har ik barg pe TuuTe hue par kā

vā jis ke liye rah gayā dāmān sharar kā

maiñ ashk huuñ maiñ os kā qatra huuñ sharar huuñ

andāz baham hai mujhe paanī ke safar kā

karvaT sī badaltā hai añdherā to use bhī

de dete haiñ ham sādā-manush naam sahar kā

tohmat sī liye phirte haiñ sadiyoñ se sar apne

rusvā hai bahut naam yahāñ ahl-e-hunar kā

qaa.em na rahā ḳhaak se jab rishta-e-jāñ to

bas dhuul pata pūchhne aatī thī shajar kā

jo shaah ke kāñdhoñ kī vajāhat kā sabab hai

dekho to bhalā taaj hai kis kāsa-e-sar kā

ashkoñ se tapāñ hai kabhī aahoñ se ḳhunuk hai

ik umr se 'mājid' yahī mausam hai nagar kā

dhoka tha har ek barg pe TuTe hue par ka

wa jis ke liye rah gaya daman sharar ka

main ashk hun main os ka qatra hun sharar hun

andaz baham hai mujhe pani ke safar ka

karwaT si badalta hai andhera to use bhi

de dete hain hum sada-manush nam sahar ka

tohmat si liye phirte hain sadiyon se sar apne

ruswa hai bahut nam yahan ahl-e-hunar ka

qaem na raha KHak se jab rishta-e-jaan to

bas dhul pata puchhne aati thi shajar ka

jo shah ke kandhon ki wajahat ka sabab hai

dekho to bhala taj hai kis kasa-e-sar ka

ashkon se tapan hai kabhi aahon se KHunuk hai

ek umr se 'majid' yahi mausam hai nagar ka