Dholaki dham-dhami KHanjri bhi bajaani jaani

Dholakī dham-dhamī ḳhanjrī bhī bajānī jaanī

taan kī jaan magar tum ne na jaanī jaanī

hil ga.e mil ga.e an-jānoñ se juuñ jaan pahchān

par mirī qadr zarī tum na pahchānī jaanī

lag chale jo ki raqīboñ ne lagāyā tum ko

sāñchī aur jhūTī koī baat na chhānī jaanī

jo kahā maiñ ne na tum ne kabhī dhar kaan sunā

baat kyā aisī mirī tum ne divānī jaanī

maan ne terī to maarā hameñ ab to man jā

ye haTelā nahīñ dekhā koī maanī jaanī

jāñ-kanī meñ to zarā aa ke dikhāo dīdār

jaan mar jā.ūñgā kahtā hī maiñ jaanī jaanī

raat din ye jo sulūk ham se kiyā karte ho

dil meñ kyā jāniye kyā tum ne hai Thānī jaanī

sarf kī apnī tire ishq meñ jaanī sab umr

'azfarī' ne na buḌhāpā na javānī jaanī

Dholaki dham-dhami KHanjri bhi bajaani jaani

tan ki jaan magar tum ne na jaani jaani

hil gae mil gae an-jaanon se jun jaan pahchan

par meri qadr zari tum na pahchani jaani

lag chale jo ki raqibon ne lagaya tum ko

sanchi aur jhuTi koi baat na chhani jaani

jo kaha main ne na tum ne kabhi dhar kan suna

baat kya aisi meri tum ne diwani jaani

man ne teri to mara hamein ab to man ja

ye haTela nahin dekha koi mani jaani

jaan-kani mein to zara aa ke dikhao didar

jaan mar jaunga kahta hi main jaani jaani

raat din ye jo suluk hum se kiya karte ho

dil mein kya jaaniye kya tum ne hai Thani jaani

sarf ki apni tere ishq mein jaani sab umr

'azfari' ne na buDhapa na jawani jaani