aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dhuan kaleje se mere nikla jala jo dil bas ki rashk kha kar

Nazeer Akbarabadi

dhuan kaleje se mere nikla jala jo dil bas ki rashk kha kar

Nazeer Akbarabadi

MORE BYNazeer Akbarabadi

    dhuāñ kaleje se mere niklā jalā jo dil bas ki rashk khā kar

    vo rashk ye thā ki ġhair se Tuk hañsā thā chanchal misī lagā kar

    faqat jo chitvan pe ġhaur kiije to vo bhī vo sehr hai ki jis

    karishma banda ġhulām ġhamza daġhā.eñ naukar fareb chākar

    ḳhirām hai vo tarz yaaro ki jis meñ nikleñ ka.ī adā.eñ

    qadam jo rakhnā to tan ke rakhnā jo phir uThānā to Dagmagā kar

    laTak meñ bandoñ dil jo aave to ḳhair bande us ko le leñ

    vagarna aave to phir na chhoḌe udhar se baalā jhamak dikhā kar

    majāl kyā hai jo dū-badū ho nazar se koī nazar laḌāve

    magar kisī ne jo us ko dekhā to sau ḳharābī se chhup chhupā kar

    sune kisī ke na dard-e-dil ko vagar sune to jhiḌak ke us ko

    ye saaf kah de to kyā balā hai jo sar phirātā hai nāhaq aa kar

    'nazīr' vo but hai dushman-e-jāñ na miliyo us se dekh hargiz

    vagar milā to ḳhudā hai hāfiz bache haiñ ham bhī ḳhudā ḳhudā kar

    dhuan kaleje se mere nikla jala jo dil bas ki rashk kha kar

    wo rashk ye tha ki ghair se Tuk hansa tha chanchal misi laga kar

    faqat jo chitwan pe ghaur kije to wo bhi wo sehr hai ki jis ka

    karishma banda ghulam ghamza daghaen naukar fareb chaakar

    KHiram ki hai wo tarz yaro ki jis mein niklen kai adaen

    qadam jo rakhna to tan ke rakhna jo phir uThana to Dagmaga kar

    laTak mein bandon ki dil jo aawe to KHair bande hi us ko le len

    wagarna aawe to phir na chhoDe udhar se baala jhamak dikha kar

    majal kya hai jo du-badu ho nazar se koi nazar laDawe

    magar kisi ne jo us ko dekha to sau KHarabi se chhup chhupa kar

    sune kisi ke na dard-e-dil ko wagar sune to jhiDak ke us ko

    ye saf kah de to kya bala hai jo sar phiraata hai nahaq aa kar

    'nazir' wo but hai dushman-e-jaan na miliyo us se tu dekh hargiz

    wagar mila to KHuda hai hafiz bache hain hum bhi KHuda KHuda kar

    Source:

    Deewan-e-Nazeer Akbarabadi (Pg. 166)

    • Author: Nazeer Akbarabadi
      • Publisher: Anjuman Taraqqi Urdu (Hind), Delhi
      • Year of Publication: 1942

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now