dhuen mein Dube hain phul tare charagh jugnu chinar kaise

dhueñ meñ Duube haiñ phuul taare charāġh jugnū chinār kaise

na.ī rutoñ ke uḌan khaToloñ pe aa rahe haiñ savār kaise

maiñ apne āñgan kī zard miTTī pe baiThā pahroñ ye sochtā huuñ

dabīz shīshe kī khiḌkiyoñ meñ ugī thī shāḳh-e-anār kaise

chalo ye maanā ki mere ghar kī ghuTī ghuTī sī fazā thī lekin

tirī muñDeroñ kī Dāliyoñ par bujhī diyoñ kī qatār kaise

likhā hai juġhrāfiyoñ meñ sab kuchh magar kisī ne na ye batāyā

khiñchī falak kī qanāt kyūñkar banā zamīñ kā mazār kaise

adhūre ḳhāke meñ rang bhar luuñ ga.e dinoñ kā hisāb kar luuñ

magar jo tere baġhair guzre karūñ vo lamhe shumār kaise

ujaaḌ fasleñ hanūt saa.e makān Tiile sarāb galiyāñ

utar ke paanī banā gayā hai zamīñ pe naqsh-o-nigār kaise

junūñ kī andhī havā ne 'at.har' ḳhamosh ġhurfoñ ko lab diye haiñ

sadā banā hai galī galī meñ mire lahū kā fishār kaise

dhuen mein Dube hain phul tare charagh jugnu chinar kaise

nai ruton ke uDan khaTolon pe aa rahe hain sawar kaise

main apne aangan ki zard miTTi pe baiTha pahron ye sochta hun

dabiz shishe ki khiDkiyon mein ugi thi shaKH-e-anar kaise

chalo ye mana ki mere ghar ki ghuTi ghuTi si faza thi lekin

teri munDeron ki Daliyon par bujhi diyon ki qatar kaise

likha hai jughrafiyon mein sab kuchh magar kisi ne na ye bataya

khinchi falak ki qanat kyunkar bana zamin ka mazar kaise

adhure KHake mein rang bhar lun gae dinon ka hisab kar lun

magar jo tere baghair guzre karun wo lamhe shumar kaise

ujaD faslen hanut sae makan Tile sarab galiyan

utar ke pani bana gaya hai zamin pe naqsh-o-nigar kaise

junun ki andhi hawa ne 'athar' KHamosh ghurfon ko lab diye hain

sada bana hai gali gali mein mere lahu ka fishaar kaise