دھند چھٹنے لگی راستہ ہو گیا

دھند چھٹنے لگی راستہ ہو گیا

عشق جب حسن کا رہنما ہو گیا

تم سلگتے رہے ہم بھی جلتے رہے

قرض دونوں کا آخر ادا ہو گیا

دل میں رہئے سدا اپنے گھر کی طرح

آج سے دل مرا آپ کا ہو گیا

راہ چلتے ہوئے دیکھ عریاں بدن

آدمی آج حیوان سا ہو گیا

اب تو انسانیت سوئے صحرا چلی

بھیڑ میں آدمی بھیڑیا ہو گیا

یک بہ یک جو پڑی ان کی نظر کرم

ایک پتھر صفت آئنہ ہو گیا

سر سلامت ہے خوشترؔ نہ اب آبرو

اس زمانے کو آخر یہ کیا ہو گیا