دھندھ ماضی کی وہ آب چشم سے دھونے لگا

دھندھ ماضی کی وہ آب چشم سے دھونے لگا

آئنے میں دیکھ کر مجھ کو کوئی رونے لگا

مل گئے کچھ پھول سوکھے کل کتابوں میں مجھے

اور کسی کی یاد کا جنگل ہرا ہونے لگا

خواب مجھ کو پھر پریشاں کر رہے ہیں آج کل

کون جانے جسم کے اندر مرے سونے لگا

ٹوٹ کر جاتے ہوئے تاروں نے یہ مجھ سے کہا

چاند بھی اب آسماں میں نفرتیں بونے لگا

آ گیا غزلوں کا مجموعہ مرا بازار میں

دل کا سارا بوجھ اک دیوان اب ڈھونے لگا

پیاس کم ہونے لگی جب سے سمندر کی رتنؔ

بس اسی دن سے ندی کا قد بڑا ہونے لگا