dhul aankhon mein paDi ho jaise

dhuul āñkhoñ meñ paḌī ho jaise

har koī aur koī ho jaise

saa.e ke saath lage rahte haiñ

ye bhī apnā hī koī ho jaise

paañv phailā.e paḌī hai ummīd

muddatoñ pau na phaTī ho jaise

apnī har baat pe hotā hai gumāñ

ham ne pahle bhī kahī ho jaise

hañsne lagte haiñ to dhamkātī hai

zindagī ham se baḌī ho jaise

dard ko ajnabī kahne vaale

tū ne āvāz na dī ho jaise

pau phaTe ḳhush haiñ ki vo aa.egā

aaj kī raat abhī ho jaise

haa.e vo niiñd uḌātī āñkheñ

ḳhvāb meñ umr kaTī ho jaise

is tarah aayā hai milne mujh se

mujh se milte hī banī ho jaise

har kisī chehre se uThtī hai lapak

shahr meñ aag lagī ho jaise

dil meñ utre to chhupā kar rakhiye

raat hiire kī kanī ho jaise

hijr kī raat aur 'ashk' itnī sust

vaqt kī choT lagī ho jaise

dhul aankhon mein paDi ho jaise

har koi aur koi ho jaise

sae ke sath lage rahte hain

ye bhi apna hi koi ho jaise

panw phailae paDi hai ummid

muddaton pau na phaTi ho jaise

apni har baat pe hota hai guman

hum ne pahle bhi kahi ho jaise

hansne lagte hain to dhamkati hai

zindagi hum se baDi ho jaise

dard ko ajnabi kahne wale

tu ne aawaz na di ho jaise

pau phaTe KHush hain ki wo aaega

aaj ki raat abhi ho jaise

hae wo nind uDati aankhen

KHwab mein umr kaTi ho jaise

is tarah aaya hai milne mujh se

mujh se milte hi bani ho jaise

har kisi chehre se uThti hai lapak

shahr mein aag lagi ho jaise

dil mein utre to chhupa kar rakhiye

raat hire ki kani ho jaise

hijr ki raat aur 'ashk' itni sust

waqt ki choT lagi ho jaise