dhum se sunte hain ab ki sal aati hai bahaar
dhuum se sunte haiñ ab kī saal aatī hai bahār
dekhiye kyā kuchh hamāre sar pe laatī hai bahār
shāyad azm-e-yār kī gulshan meñ pahuñchī hai ḳhabar
gil ke pairāhan meñ phūlī na.iiñ samātī hai bahār
dekhne de bāġhbāñ ab gulsitāñ apnā mujhe
halqa-e-zanjīr meñ mehmāñ bulātī hai bahār
shor ye ġhunchoñ ke vā-shud kā nahīñ ai andalīb
ab chaman meñ tumtarāq apnā dikhātī hai bahār
kyuuñ phañsā gulshan meñ yuuñ jā kar abas saudā tū ab
meñ na kahtā thā tujhe vo dekh aatī hai bahār
dhum se sunte hain ab ki sal aati hai bahaar
dekhiye kya kuchh hamare sar pe lati hai bahaar
shayad azm-e-yar ki gulshan mein pahunchi hai KHabar
gil ke pairahan mein phuli nain samati hai bahaar
dekhne de baghban ab gulsitan apna mujhe
halqa-e-zanjir mein mehman bulati hai bahaar
shor ye ghunchon ke wa-shud ka nahin ai andalib
ab chaman mein tumtaraq apna dikhati hai bahaar
kyun phansa gulshan mein yun ja kar abas sauda tu ab
mein na kahta tha tujhe wo dekh aati hai bahaar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
