DhunDh hum un ko pareshan bane baiThe hain

DhūñDh ham un ko pareshān bane baiThe haiñ

vo to parda liye insān bane baiThe haiñ

zauq hāsil unheñ hotā hai har ik sūrat se

rañg-o-be-rañgī se har aan bane baiThe haiñ

chhoḌ masjid ko ga.e dair meñ puujā karne

the musalmān vo rahbān bane baiThe haiñ

baat ye hai ki hayūlā se hai sūrat paidā

har ik ajsām meñ rahmān bane baiThe haiñ

taaza har aan dikhāte haiñ vo jalva apnā

har ta'ayyun ke liye shaan bane baiThe haiñ

haiñ masīhā kahīñ bīmār kahīñ dard kahīñ

har tarah se vahī darmān bane baiThe haiñ

vahī hotā hai har ik kaam jo vo chāhte haiñ

dete hasrat bhī haiñ armān bane baiThe haiñ

kufr-o-islām ke parde se haiñ har haal meñ ḳhush

vājib ā.īna se imkān bane baiThe haiñ

sach to ye hai ki haqīqat jo hai un kī mā'lūm

jānte jo haiñ vo anjān bane baiThe haiñ

jumla advār o shayūnāt se jalva karte

shān-e-'markaz' meñ vo sub.hān bane baiThe haiñ

DhunDh hum un ko pareshan bane baiThe hain

wo to parda liye insan bane baiThe hain

zauq hasil unhen hota hai har ek surat se

rang-o-be-rangi se har aan bane baiThe hain

chhoD masjid ko gae dair mein puja karne

the musalman wo rahban bane baiThe hain

baat ye hai ki hayula se hai surat paida

har ek ajsam mein rahman bane baiThe hain

taza har aan dikhate hain wo jalwa apna

har ta'ayyun ke liye shan bane baiThe hain

hain masiha kahin bimar kahin dard kahin

har tarah se wahi darman bane baiThe hain

wahi hota hai har ek kaam jo wo chahte hain

dete hasrat bhi hain arman bane baiThe hain

kufr-o-islam ke parde se hain har haal mein KHush

wajib aaina se imkan bane baiThe hain

sach to ye hai ki haqiqat jo hai un ki ma'lum

jaante jo hain wo anjaan bane baiThe hain

jumla adwar o shayunat se jalwa karte

shan-e-'markaz' mein wo subhan bane baiThe hain