DhunDhna milna bichhaDna kahin khona ruk jae

DhūñDhnā milnā bichhaḌnā kahīñ khonā ruk jaa.e

ye jo hotā hai tabī.at meñ ye honā ruk jaa.e

ġham kī bad-rūh se kuchh aur tavaqqo kyā ho

raat ke pichhle pahar us kā ye ronā ruk jaa.e

phir vahī māh-e-guzishta se na hoñge hālāt

phir kisī nanhe se bachche kā khilaunā ruk jaa.e

ik marz dil kā liye phirtā hai āzār ka.ī

khānā piinā na rahe chain se sonā ruk jaa.e

dāstāñ yuuñ ho qalam-band ki phir raḳhshanda

jo tire saath huā auroñ se honā ruk jaa.e

DhunDhna milna bichhaDna kahin khona ruk jae

ye jo hota hai tabiat mein ye hona ruk jae

gham ki bad-ruh se kuchh aur tawaqqo kya ho

raat ke pichhle pahar us ka ye rona ruk jae

phir wahi mah-e-guzishta se na honge haalat

phir kisi nanhe se bachche ka khilauna ruk jae

ek marz dil ka liye phirta hai aazar kai

khana pina na rahe chain se sona ruk jae

dastan yun ho qalam-band ki phir raKHshanda

jo tere sath hua auron se hona ruk jae