DhunDhta hai koi rasta mere aaine mein

DhūñDhtā hai koī rastā mire ā.īne meñ

qaid jo shaḳhs hai mujh sā mire ā.īne meñ

khīñch le tujh ko na ā.īne ke andar kā tilism

ġhaur se dekh na itnā mire ā.īne meñ

us ke jaisā huuñ maiñ ā.īne ke bāhar koī

rah rahā hai vo jo mujh sā mire ā.īne meñ

maiñ hī ā.īna-e-duniyā meñ chalā aayā huuñ

yā chalī aa.ī hai duniyā mire ā.īne meñ

aks kuchh aur nazar aatā hai merā sab ko

kis ne ab tak mujhe dekhā mire ā.īne meñ

rū-ba-rū hotā hai ik shaḳhs bhī mujh sā 'at.har'

maiñ akelā nahīñ hotā mire ā.īne meñ

DhunDhta hai koi rasta mere aaine mein

qaid jo shaKHs hai mujh sa mere aaine mein

khinch le tujh ko na aaine ke andar ka tilism

ghaur se dekh na itna mere aaine mein

us ke jaisa hun main aaine ke bahar koi

rah raha hai wo jo mujh sa mere aaine mein

main hi aaina-e-duniya mein chala aaya hun

ya chali aai hai duniya mere aaine mein

aks kuchh aur nazar aata hai mera sab ko

kis ne ab tak mujhe dekha mere aaine mein

ru-ba-ru hota hai ek shaKHs bhi mujh sa 'athar'

main akela nahin hota mere aaine mein