DhunDhta haq ko dar-ba-dar hai tu

DhūñDhtā haq ko dar-ba-dar hai tū

vaa.e apne se be-ḳhabar hai tū

shān-e-haq āshkār hai tan se

mujid-e-kull-e-ḳhair-o-shar hai tū

ek meñ kyā vajūd-e-jumla-zuhūr

kul meñ ḳhud aap bā-asar hai tū

qudrat-e-kāmila ko ġhaur to kar

bahr-e-yaktā.ī kā guhar hai tū

miiT apnī ḳhudī ḳhudā ko pā

naf.a hāsil ho kyā agar hai tū

muqtadir aap har sabab kā hai

is liye ho gayā bashar hai tū

ḳhair-o-shar ke hijāb meñ kab tak

zulmat-e-kufr kā sahar hai tū

terī hī shān-e-kul huvaidā hai

banda kahtā hai kyuuñ kidhar hai tū

aap har shai meñ jalva-farmā haiñ

be-ḳhabar kyā hai bā-ḳhabar hai tū

mujh pe ilzām aa nahīñ saktā

har tarah se idhar udhar hai tū

koī kuchh qalb kyā kare tujh ko

be-ġhul-o-ġhash vo saaf zar hai tū

kah rahā hai hamesha innī anā

jumla a.amā kā rāhbar hai tū

jo hai manzūr ho rahā vahī

kis natīje kā muntazar hai tū

bil-yaqīñ haq kī shaan hai terī

muḳhtasar ye hai muḳhtasar hai tū

naam terā ḳhudā-numā hai hijāb

dīda-e-dīd kā basar hai tū

koī paatā nahīñ tujhe 'markaz'

dū-ba-dū aap jalva-gar hai tū

DhunDhta haq ko dar-ba-dar hai tu

wae apne se be-KHabar hai tu

shan-e-haq aashkar hai tan se

mujid-e-kull-e-KHair-o-shar hai tu

ek mein kya wajud-e-jumla-zuhur

kul mein KHud aap ba-asar hai tu

qudrat-e-kaamila ko ghaur to kar

bahr-e-yaktai ka guhar hai tu

miT apni KHudi KHuda ko pa

nafa hasil ho kya agar hai tu

muqtadir aap har sabab ka hai

is liye ho gaya bashar hai tu

KHair-o-shar ke hijab mein kab tak

zulmat-e-kufr ka sahar hai tu

teri hi shan-e-kul huwaida hai

banda kahta hai kyun kidhar hai tu

aap har shai mein jalwa-farma hain

be-KHabar kya hai ba-KHabar hai tu

mujh pe ilzam aa nahin sakta

har tarah se idhar udhar hai tu

koi kuchh qalb kya kare tujh ko

be-ghul-o-ghash wo saf zar hai tu

kah raha hai hamesha inni ana

jumla aama ka rahbar hai tu

jo hai manzur ho raha wahi

kis natije ka muntazar hai tu

bil-yaqin haq ki shan hai teri

muKHtasar ye hai muKHtasar hai tu

nam tera KHuda-numa hai hijab

dida-e-did ka basar hai tu

koi pata nahin tujhe 'markaz'

du-ba-du aap jalwa-gar hai tu