dhup chhanw zehnon ka aasra nahin rakhte
dhuup chhāñv zehnoñ kā aasrā nahīñ rakhte
ham ġharaz ke bandoñ se vāsta nahīñ rakhte
zo.am-e-pārsā.ī meñ kab ḳhayāl hai un ko
tanz to vo karte haiñ aa.ina nahīñ rakhte
sāzisheñ alāmat to past himmatī kī haiñ
sāzisheñ jo karte haiñ hausla nahīñ rakhte
vo ġhurūr-e-taqvā meñ bas yahī samajhte haiñ
jaise hai ḳhudā un kā ham ḳhudā nahīñ rakhte
tum havas-parastoñ ke saiñkaḌoñ ḳhudā Thahre
ek hai ḳhudā apnā dūsrā nahīñ rakhte
kis tarah munavvar ho ḳhāna-e-shu.ūr 'anjum'
zehn ke darīchoñ ko tum khulā nahīñ rakhte
dhup chhanw zehnon ka aasra nahin rakhte
hum gharaz ke bandon se wasta nahin rakhte
zoam-e-parsai mein kab KHayal hai un ko
tanz to wo karte hain aaina nahin rakhte
sazishen alamat to past himmati ki hain
sazishen jo karte hain hausla nahin rakhte
wo ghurur-e-taqwa mein bas yahi samajhte hain
jaise hai KHuda un ka hum KHuda nahin rakhte
tum hawas-paraston ke sainkaDon KHuda Thahre
ek hai KHuda apna dusra nahin rakhte
kis tarah munawwar ho KHana-e-shuur 'anjum'
zehn ke darichon ko tum khula nahin rakhte
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
