dhup jis shaKHs ke makan mein hai

dhuup jis shaḳhs ke makān meñ hai

vo ujāloñ ke sā.ebān meñ hai

kis kī jānib nazar uThā.ūñ maiñ

tujh sā koī kahāñ jahān meñ hai

ik anā ke sivā nahīñ kuchh bhī

jo mire tere darmiyān meñ hai

haiñ tabassum ke phuul hoñToñ par

ḳhār-e-tishna-labī zabān meñ hai

kis tarah tujh ko ġhair kah duuñ maiñ

ik yahī sach mire bayān meñ hai

zindagī se jo kal pareshāñ thā

ab vo insāñ na.e makān meñ hai

ham bhulā.eñge kis tarah us ko

vo to pinhāñ hamārī jaan meñ hai

kal jo Thokar meñ thā zamāne kī

aaj vo shaḳhs ān-bān meñ hai

kyoñ zamāna mire ḳhilāf nahīñ

tiir shāyad abhī kamān meñ hai

jis ko jo chāhe baḳhsh de us ko

vasf ye to ḳhudā kī shaan meñ hai

maiñ huuñ urdu zabān kā shā.ir

lutf kitnā mirī zabān meñ hai

jab se un kī nazar meñ hai 'mashkūr'

zindagī har nafas amaan meñ hai

dhup jis shaKHs ke makan mein hai

wo ujalon ke saeban mein hai

kis ki jaanib nazar uThaun main

tujh sa koi kahan jahan mein hai

ek ana ke siwa nahin kuchh bhi

jo mere tere darmiyan mein hai

hain tabassum ke phul honTon par

KHar-e-tishna-labi zaban mein hai

kis tarah tujh ko ghair kah dun main

ek yahi sach mere bayan mein hai

zindagi se jo kal pareshan tha

ab wo insan nae makan mein hai

hum bhulaenge kis tarah us ko

wo to pinhan hamari jaan mein hai

kal jo Thokar mein tha zamane ki

aaj wo shaKHs aan-ban mein hai

kyon zamana mere KHilaf nahin

tir shayad abhi kaman mein hai

jis ko jo chahe baKHsh de us ko

wasf ye to KHuda ki shan mein hai

main hun urdu zaban ka shair

lutf kitna meri zaban mein hai

jab se un ki nazar mein hai 'mashkur'

zindagi har nafas aman mein hai