dhup ka nam jo hai saya to saya hi sahi

dhuup kā naam jo hai saaya to saaya hī sahī

aap kahte haiñ agar aisā to aisā hī sahī

ham bhī jiine kā mohabbat meñ tamāsha kar leñ

zindagī jo hai tamāsha to tamāsha hī sahī

kyuuñ na ye marte hue lamhe ġhanīmat jānūñ

lamhoñ kā aisā hī hai lāsha to lāsha hī sahī

ġhair hī qatl kare mujh ko zarūrī to nahīñ

merā qātil hai shanāsā to shanāsā hī sahī

ham ne kab ishq ko samjhā hai tijārat jānāñ

ishq tum se hai ḳhasāra to ḳhasāra hī sahī

pyaar to kar ke nibhā luuñ maiñ qasam se 'ḳhanda'

pyaar gar vahm hai dhoka hai to dhokā hī sahī

dhup ka nam jo hai saya to saya hi sahi

aap kahte hain agar aisa to aisa hi sahi

hum bhi jine ka mohabbat mein tamasha kar len

zindagi jo hai tamasha to tamasha hi sahi

kyun na ye marte hue lamhe ghanimat jaanun

lamhon ka aisa hi hai lasha to lasha hi sahi

ghair hi qatl kare mujh ko zaruri to nahin

mera qatil hai shanasa to shanasa hi sahi

hum ne kab ishq ko samjha hai tijarat jaanan

ishq tum se hai KHasara to KHasara hi sahi

pyar to kar ke nibha lun main qasam se 'KHanda'

pyar gar wahm hai dhoka hai to dhoka hi sahi