dhup ke bhitar chhup kar nikli
dhuup ke bhītar chhup kar niklī
tārīkī sāyoñ bhar niklī
raat girī thī ik gaḌhDhe meñ
shaam kā haath pakaḌ kar niklī
royā us se mil kar royā
chāhat bhes badal kar niklī
phuul to phūloñ sā honā thā
titlī kaisī patthar niklī
suut haiñ ghar ke har kone meñ
makḌī puurī bun kar niklī
tāza-dam hone ko udāsī
le kar ġham kā shower niklī
jaañ niklī us ke pahlū meñ
vo hī merā mag.har niklī
hijr kī shab se ghabrāte the
yaar yahī shab behtar niklī
jab bhī chor mire ghar aa.e
ek hañsī hī zevar niklī
'ātish' kundan ruuh milī hai
umr kī aag meñ jal kar niklī
dhup ke bhitar chhup kar nikli
tariki sayon bhar nikli
raat giri thi ek gaDhDhe mein
sham ka hath pakaD kar nikli
roya us se mil kar roya
chahat bhes badal kar nikli
phul to phulon sa hona tha
titli kaisi patthar nikli
sut hain ghar ke har kone mein
makDi puri bun kar nikli
taza-dam hone ko udasi
le kar gham ka shower nikli
jaan nikli us ke pahlu mein
wo hi mera maghar nikli
hijr ki shab se ghabraate the
yar yahi shab behtar nikli
jab bhi chor mere ghar aae
ek hansi hi zewar nikli
'atish' kundan ruh mili hai
umr ki aag mein jal kar nikli
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
