dhup ke sath gaya sath nibhane wala

Wazir Agha

dhup ke sath gaya sath nibhane wala

Wazir Agha

MORE BY Wazir Agha

    dhuup ke saath gayā saath nibhāne vaalā

    ab kahāñ aa.egā vo lauT ke aane vaalā

    ret par chhoḌ gayā naqsh hazāroñ apne

    kisī pāgal tarah naqsh miTāne vaalā

    sabz shāḳheñ kabhī aise to nahīñ chīḳhtī haiñ

    kaun aayā hai parindoñ ko Darāne vaalā

    āriz-e-shām surḳhī ne kiyā faash use

    parda-e-abr meñ thā aag lagāne vaalā

    safar-e-shab taqāzā hai mire saath raho

    dasht pur-haul hai tūfān hai aane vaalā

    mujh ko dar-parda sunātā rahā qissa apnā

    agle vaqtoñ hikāyāt sunāne vaalā

    shabnamī ghaas ghane phuul laraztī kirneñ

    kaun aayā hai ḳhazānoñ ko luTāne vaalā

    ab to ārām kareñ sochtī āñkheñ merī

    raat āḳhirī taarā bhī hai jaane vaalā

    dhup ke sath gaya sath nibhane wala

    ab kahan aaega wo lauT ke aane wala

    ret par chhoD gaya naqsh hazaron apne

    kisi pagal ki tarah naqsh miTane wala

    sabz shaKHen kabhi aise to nahin chiKHti hain

    kaun aaya hai parindon ko Darane wala

    aariz-e-sham ki surKHi ne kiya fash use

    parda-e-abr mein tha aag lagane wala

    safar-e-shab ka taqaza hai mere sath raho

    dasht pur-haul hai tufan hai aane wala

    mujh ko dar-parda sunata raha qissa apna

    agle waqton ki hikayat sunane wala

    shabnami ghas ghane phul larazti kirnen

    kaun aaya hai KHazanon ko luTane wala

    ab to aaram karen sochti aankhen meri

    raat ka aaKHiri tara bhi hai jaane wala

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY