dhup ko chhanw likhun sang ko shisha likkhun

dhuup ko chhāñv likhūñ sang ko shīsha likkhūñ

maslahat kā hai taqāzā tujhe achchhā likkhūñ

kaun hai merī tabāhī kā sabab kyā likhūñ

merā ḳhāma hai ba-zid naam tumhārā likkhūñ

justujū merī safar hī meñ rahegī kab tak

ab to mil jaa.e koī jis ko maiñ apnā likkhūñ

be-ġharaz mujh pe nahīñ karte karam ahl-e-karam

aur ġharaz ye hai ki maiñ un kā qasīda likkhūñ

maiñ ne bechā hai na bechūñgā kabhī apnā zamīr

ġhair mumkin hai ki qatre ko maiñ dariyā likkhūñ

ḳhud ubhar aa.egī qirtās pe nāyāb ġhazal

rū-barū baiTh ki maiñ terā sarāpā likkhūñ

apne maazī kā qasīda to bahut likkhā 'habīb'

dil meñ aatā hai ki ab haal kā nauha likkhūñ

dhup ko chhanw likhun sang ko shisha likkhun

maslahat ka hai taqaza tujhe achchha likkhun

kaun hai meri tabahi ka sabab kya likhun

mera KHama hai ba-zid nam tumhaara likkhun

justuju meri safar hi mein rahegi kab tak

ab to mil jae koi jis ko main apna likkhun

be-gharaz mujh pe nahin karte karam ahl-e-karam

aur gharaz ye hai ki main un ka qasida likkhun

main ne becha hai na bechunga kabhi apna zamir

ghair mumkin hai ki qatre ko main dariya likkhun

KHud ubhar aaegi qirtas pe nayab ghazal

ru-baru baiTh ki main tera sarapa likkhun

apne mazi ka qasida to bahut likkha 'habib'

dil mein aata hai ki ab haal ka nauha likkhun