dhup mein saeban de mujhko

dhuup meñ sā.ebān de mujh ko

nīm-murda huuñ jaan de mujh ko

shahr jo kal thā aaj hai maqtal

kaise koī amaan de mujh ko

fitna-parvar jahāñ se huuñ bezār

ik nayā āsmān de mujh ko

jin kī ta.abīr hoñ sulagte sarāb

tū na aise kamān de mujh ko

ye darindoñ kā hai ghanā jangal

koī ūñchā machān de mujh ko

ilm-o-fan se navāz kar mālik

ik na.ī ān-bān de mujh ko

ho hukūmat jahāñ mohabbat kī

koī aisā jahān de mujh ko

tujh ko 'shahzar' se gar mohabbat hai

pyaar kā imtihān de mujh ko

dhup mein saeban de mujh ko

nim-murda hun jaan de mujh ko

shahr jo kal tha aaj hai maqtal

kaise koi aman de mujh ko

fitna-parwar jahan se hun bezar

ek naya aasman de mujh ko

jin ki tabir hon sulagte sarab

tu na aise kaman de mujh ko

ye darindon ka hai ghana jangal

koi uncha machan de mujh ko

ilm-o-fan se nawaz kar malik

ek nai aan-ban de mujh ko

ho hukumat jahan mohabbat ki

koi aisa jahan de mujh ko

tujh ko 'shahzar' se gar mohabbat hai

pyar ka imtihan de mujh ko