dhup se gardish-e-haalat ki ghabra jae

dhuup se gardish-e-hālāt kī ghabrā jaa.e

dil koī phuul nahīñ hai ki jo murjhā jaa.e

haa.e re zabt-e-mohabbat kī ye sābit-qadamī

ham se kāġhaz pe bhī vo naam na likkhā jaa.e

ek patthar kī bhī taqdīr sañvar saktī hai

shart ye hai ki salīqe se tarāshā jaa.e

kis tarah hotī hai tahzīb kī devī uryāñ

shīsh-mahloñ meñ kabhī jhāñk ke dekhā jaa.e

aql kahtī hai ki chal dasht-e-tamannā se pare

dil ko zid hai ki isī dasht meñ bhaTkā jaa.e

dhup se gardish-e-haalat ki ghabra jae

dil koi phul nahin hai ki jo murjha jae

hae re zabt-e-mohabbat ki ye sabit-qadami

hum se kaghaz pe bhi wo nam na likkha jae

ek patthar ki bhi taqdir sanwar sakti hai

shart ye hai ki saliqe se tarasha jae

kis tarah hoti hai tahzib ki dewi uryan

shish-mahlon mein kabhi jhank ke dekha jae

aql kahti hai ki chal dasht-e-tamanna se pare

dil ko zid hai ki isi dasht mein bhaTka jae