dibacha-e-kitab-e-wafa hai tamam umr

dībācha-e-kitāb-e-vafā hai tamām umr

ik lamha-e-shu.ūr-e-fanā hai tamām umr

mahrūmiyoñ ne saath diyā hai tamām umr

ik dard hai ki dil meñ rahā hai tamām umr

kyuuñ mere lab pe aa.ī ġham-e-āgahī kī baat

gustāḳhī-e-ḳhirad kī sazā hai tamām umr

yād-e-ḳhudā meñ jī na lagā hai ye aur baat

ḳhauf-e-ḳhudā to dil meñ rahā hai tamām umr

aa ḳhalvat-e-'sarosh' meñ ai marg-e-nā-gahāñ

terā hī intizār kiyā hai tamām umr

dibacha-e-kitab-e-wafa hai tamam umr

ek lamha-e-shuur-e-fana hai tamam umr

mahrumiyon ne sath diya hai tamam umr

ek dard hai ki dil mein raha hai tamam umr

kyun mere lab pe aai gham-e-agahi ki baat

gustaKHi-e-KHirad ki saza hai tamam umr

yaad-e-KHuda mein ji na laga hai ye aur baat

KHauf-e-KHuda to dil mein raha hai tamam umr

aa KHalwat-e-'sarosh' mein ai marg-e-na-gahan

tera hi intizar kiya hai tamam umr