did ka israr musa lan-tarani koh-e-tur

diid kā isrār muusā lan-tarānī koh-e-tūr

ham ne āñkheñ band kiiñ aur aa ga.e tere huzūr

ab hinā.ī dast kī hoñgī ijāra-dāriyāñ

aañkh meñ shabnam jabīñ ke nuur meñ rañg-e-shu.ūr

baat karnā mausam-e-barsāt kī pahlī jhaḌī

muskurā ke dekhnā qaus-e-quzah kā hai zuhūr

phuul bastī meñ chaleñ ham-joliyoñ kā saath hai

shahroñ shahroñ baḌh gayā hai sañg-zādoñ kā futūr

pesh-e-ḳhidmat hai ye apnī baat apnā idda.ā

dekhnā harf-e-suḳhan par kis ko hāsil hai futūr

did ka israr musa lan-tarani koh-e-tur

hum ne aankhen band kin aur aa gae tere huzur

ab hinai dast ki hongi ijara-dariyan

aankh mein shabnam jabin ke nur mein rang-e-shuur

baat karna mausam-e-barsat ki pahli jhaDi

muskura ke dekhna qaus-e-quzah ka hai zuhur

phul basti mein chalen ham-joliyon ka sath hai

shahron shahron baDh gaya hai sang-zadon ka futur

pesh-e-KHidmat hai ye apni baat apna iddaa

dekhna harf-e-suKHan par kis ko hasil hai futur