dida-e-kam-sifat andar se

dīda-e-kam-sifāt andar se

tū ne dekhī hai raat andar se

ḳhvāhish-e-nāra-e-zafar-yābī

mujh ko honī hai maat andar se

ḳhair-maqdam na kar urūs-e-chashm

luT chukī hai barāt andar se

ai fareb-e-barūn-e-mausam-zard

sabz the saare paat andar se

apne ThanDe badan ko chhūtā huuñ

jūñhī jalte haiñ haat andar se

hasrat-e-dād-e-justujū na rahī

aisī bigḌī hai baat andar se

haa.e vo ghar ki jis meñ pesh aa.e

dastkī hādsāt andar se

sharar-afshānī-e-bayāz-e-ġhazal

kyā hue kāġhzāt andar se

surma.ī ḳhushbuoñ ke nashsha hai

raqs-farmā hai raat andar se

koī lutf-e-ajab ki hai masdūd

jihat-e-sad-jihāt andar se

dida-e-kam-sifat andar se

tu ne dekhi hai raat andar se

KHwahish-e-nara-e-zafar-yabi

mujh ko honi hai mat andar se

KHair-maqdam na kar urus-e-chashm

luT chuki hai baraat andar se

ai fareb-e-barun-e-mausam-zard

sabz the sare pat andar se

apne ThanDe badan ko chhuta hun

junhi jalte hain hat andar se

hasrat-e-dad-e-justuju na rahi

aisi bigDi hai baat andar se

hae wo ghar ki jis mein pesh aae

dastki hadsat andar se

sharar-afshani-e-bayaz-e-ghazal

kya hue kaghzat andar se

surmai KHushbuon ke nashsha hai

raqs-farma hai raat andar se

koi lutf-e-ajab ki hai masdud

jihat-e-sad-jihat andar se