dida-e-shauq liye jazb-e-betab liye

dīda-e-shauq liye jazb-e-betāb liye

aaj to husn bhī hai ishq ke ādāb liye

chashm-e-maḳhmūr liye kākul-e-shab-tāb liye

rashk-e-īmāñ bhī haiñ vo kufr ke asbāb liye

un ke abrū pe haiñ bal aur tabassum lab par

mere afsāna-e-hastī kā nayā baab liye

ab to ye haal hai dekhe hue muddat guzrī

koī guzrā hī nahīñ ḳhanda-e-shādāb liye

ḳhvāb kyā chiiz hai ab ḳhvāb kī ta.abīr suno

varna har dīda-e-be-ḳhvāb hai ik ḳhvāb liye

raah meñ ab koī tūfāñ koī sailāb aa.e

zindagī aaj hai ḳhud fitrat-e-sailāb liye

dida-e-shauq liye jazb-e-betab liye

aaj to husn bhi hai ishq ke aadab liye

chashm-e-maKHmur liye kakul-e-shab-tab liye

rashk-e-iman bhi hain wo kufr ke asbab liye

un ke abru pe hain bal aur tabassum lab par

mere afsana-e-hasti ka naya bab liye

ab to ye haal hai dekhe hue muddat guzri

koi guzra hi nahin KHanda-e-shadab liye

KHwab kya chiz hai ab KHwab ki tabir suno

warna har dida-e-be-KHwab hai ek KHwab liye

rah mein ab koi tufan koi sailab aae

zindagi aaj hai KHud fitrat-e-sailab liye