didar ki hawas hai na shauq-e-visal hai

Jaleel Manikpuri

didar ki hawas hai na shauq-e-visal hai

Jaleel Manikpuri

MORE BY Jaleel Manikpuri

    dīdār havas hai na shauq-e-visāl hai

    āzād har ḳhayāl se mast-e-ḳhayāl hai

    kah do ye kohkan se ki marnā nahīñ kamāl

    mar mar ke hijr-e-yār meñ jiinā kamāl hai

    fatvā diyā hai muftī-e-abr-e-bahār ne

    tauba ḳhuun bāda-kashoñ ko halāl hai

    āñkheñ batā rahī haiñ ki jaage ho raat ko

    in sāġharoñ meñ bū-e-sharāb-e-visāl hai

    barsāo tiir mujh pe magar itnā jaan lo

    pahlū meñ dil hai dil meñ tumhārā ḳhayāl hai

    āñkheñ laḌā ke un se ham aafat meñ paḌ ga.e

    palkoñ har zabān pe dil savāl hai

    but kah diyā jo maiñ ne to ab bolte nahīñ

    itnī baat tumheñ itnā ḳhayāl hai

    maiñ dāman-e-niyāz meñ ashk-e-chakīda huuñ

    koī uThā ke dekh le uThnā muhāl hai

    pūchhā jo un se jānte ho tum 'jalīl' ko

    bole ki haañ vo shā.er-e-nāzuk-ḳhayāl hai

    didar ki hawas hai na shauq-e-visal hai

    aazad har KHayal se mast-e-KHayal hai

    kah do ye kohkan se ki marna nahin kamal

    mar mar ke hijr-e-yar mein jina kamal hai

    fatwa diya hai mufti-e-abr-e-bahaar ne

    tauba ka KHun baada-kashon ko halal hai

    aankhen bata rahi hain ki jage ho raat ko

    in sagharon mein bu-e-sharab-e-visal hai

    barsao tir mujh pe magar itna jaan lo

    pahlu mein dil hai dil mein tumhaara KHayal hai

    aankhen laDa ke un se hum aafat mein paD gae

    palkon ki har zaban pe dil ka sawal hai

    but kah diya jo main ne to ab bolte nahin

    itni si baat ka tumhein itna KHayal hai

    main daman-e-niyaz mein ashk-e-chakida hun

    koi uTha ke dekh le uThna muhaal hai

    puchha jo un se jaante ho tum 'jalil' ko

    bole ki han wo shaer-e-nazuk-KHayal hai

    Source:

    • Book : Kainat-e-Jalil Manakpuri (Pg. 128)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY