دیدنی ہے یہ تماشہ سو ٹھہرنا سائیں

دیدنی ہے یہ تماشہ سو ٹھہرنا سائیں

یہ مرا بننا سنورنا یہ بکھرنا سائیں

سارہ دن رقص کناں رہنا بگولوں کی طرح

شام پھر قصر اذیت میں اترنا سائیں

سیر غرناطہ و بغداد سے فرصت پا کر

میرے صحرا سے بھی اک روز گزرنا سائیں

ہاں ادھر آؤ کہ مٹی میں رلیں خاک ہو لیں

شہ نشینان محبت ہیں ادھر نا سائیں

زرد پڑنے لگے سب تیرے طلب گار ستم

شاخ طوبیٰ سے کوئی دم میں اترنا سائیں

جمنے دیتا ہی نہیں مجھ کو سکوت شب میں

بہتا رہتا ہے تری یاد کا جھرنا سائیں