didani hai ye tamasha so Thaharna sain

dīdanī hai ye tamāsha so Thaharnā sā.īñ

ye mirā banñā sañvarnā ye bikharnā sā.īñ

saara din raqs-kunāñ rahnā bagūloñ kī tarah

shaam phir qasr-e-aziyyat meñ utarnā sā.īñ

sair-e-ġharnāta-o-baġhdād se fursat pā kar

mere sahrā se bhī ik roz guzarnā sā.īñ

haañ idhar aao ki miTTī meñ ruleñ ḳhaak ho leñ

shah-nashīnān-e-mohabbat haiñ udhar nā sā.īñ

zard paḌne lage sab tere talabgār-e-sitam

shāḳh-e-tūbā se koī dam meñ utarnā sā.īñ

jamne detā hī nahīñ mujh ko sukūt-e-shab meñ

bahtā rahtā hai tirī yaad kā jharnā sā.īñ

didani hai ye tamasha so Thaharna sain

ye mera banna sanwarna ye bikharna sain

sara din raqs-kunan rahna bagulon ki tarah

sham phir qasr-e-aziyyat mein utarna sain

sair-e-gharnata-o-baghdad se fursat pa kar

mere sahra se bhi ek roz guzarna sain

han idhar aao ki miTTi mein rulen KHak ho len

shah-nashinan-e-mohabbat hain udhar na sain

zard paDne lage sab tere talabgar-e-sitam

shaKH-e-tuba se koi dam mein utarna sain

jamne deta hi nahin mujh ko sukut-e-shab mein

bahta rahta hai teri yaad ka jharna sain