diwanon ke pas aae hain apni si samjhane log

dīvānoñ ke paas aa.e haiñ apnī sī samjhāne log

baste haiñ is duniyā meñ bhī kaise kaise siyāne log

apnī dhun meñ magan rahte haiñ duniyā kā kyā lete haiñ

ham se aap na uljhā kījiye ham Thahre dīvāne log

dil kā raaz thī sachchī chāhat lekin kaise aam huī

ham to chup baiThe haiñ lekin kahte haiñ afsāne log

pahlā pherā mel hai pahlā dil se hue mānūs magar

pyaar kī anjānī bastī ke ye pyāre anjāne log

us se tark-e-ta.alluq par bhī aate jaate haiñ jo 'sarosh'

us kī galī meñ mil jaate haiñ kuchh jaane pahchāne log

diwanon ke pas aae hain apni si samjhane log

baste hain is duniya mein bhi kaise kaise siyane log

apni dhun mein magan rahte hain duniya ka kya lete hain

hum se aap na uljha kijiye hum Thahre diwane log

dil ka raaz thi sachchi chahat lekin kaise aam hui

hum to chup baiThe hain lekin kahte hain afsane log

pahla phera mel hai pahla dil se hue manus magar

pyar ki anjaani basti ke ye pyare anjaane log

us se tark-e-talluq par bhi aate jate hain jo 'sarosh'

us ki gali mein mil jate hain kuchh jaane pahchane log