diwanon mein shoridgi-e-dil ki kami hai

dīvānoñ meñ shorīdgī-e-dil kī kamī hai

mahfil meñ abhī garmī-e-mahfil kī kamī hai

maqtal bhī hai ūñche haiñ sar-e-ahl-e-vafā bhī

qātil meñ magar jur.at-e-qātil kī kamī hai

kyā raqs kareñ aaj tirī zulf ke majnūñ

zindāñ meñ abhī sāz-e-salāsil kī kamī hai

dīdār mayassar hai to majnūñ kā junūñ ḳhaam

mahmil meñ abhī parda-e-mahmil kī kamī hai

Takrā.eñ kahāñ ġham kī ubaltī huī maujeñ

'sālik' ke magar TuuTe hue dil kī kamī hai

diwanon mein shoridgi-e-dil ki kami hai

mahfil mein abhi garmi-e-mahfil ki kami hai

maqtal bhi hai unche hain sar-e-ahl-e-wafa bhi

qatil mein magar jurat-e-qatil ki kami hai

kya raqs karen aaj teri zulf ke majnun

zindan mein abhi saz-e-salasil ki kami hai

didar mayassar hai to majnun ka junun KHam

mahmil mein abhi parda-e-mahmil ki kami hai

Takraen kahan gham ki ubalti hui maujen

'salik' ke magar TuTe hue dil ki kami hai