diwar-o-dar the jaan sarae nikal gae

dīvār-o-dar the jaan sarā.e nikal ga.e

is baar sā.ebān se saa.e nikal ga.e

duniyā mushā.era hai so zaḳhmoñ kī daad ho

ham aa.e chand sher sunā.e nikal ga.e

ham apne dil ke shauq bhalā kab nikāleñge

tanḳhvāh meñ to sirf kirā.e nikal ga.e

jis ne amal kiyā use mahñgā bahut paḌā

fāriġh to de ke muft meñ raa.e nikal ga.e

āñkheñ jhapak rahā thā ki manzar badal gayā

kuchh rañg phuljaḌī meñ samā.e nikal ga.e

diwar-o-dar the jaan sarae nikal gae

is bar saeban se sae nikal gae

duniya mushaera hai so zaKHmon ki dad ho

hum aae chand sher sunae nikal gae

hum apne dil ke shauq bhala kab nikalenge

tanKHwah mein to sirf kirae nikal gae

jis ne amal kiya use mahnga bahut paDa

farigh to de ke muft mein rae nikal gae

aankhen jhapak raha tha ki manzar badal gaya

kuchh rang phuljaDi mein samae nikal gae