diwaren KHamosh hain saya bol raha hai
dīvāreñ ḳhāmosh haiñ saaya bol rahā hai
us se merā chhup ke milne kā rishta hai
bīnā.ī be-manzar ho to chubhne lagegī
mausam kā ehsās to rangoñ se hotā hai
lafzoñ kī āñkheñ un ko DhūñDā kartī haiñ
jin hoñToñ se baat kā rishta Tuut gayā hai
apne har iz.hār kī ḳhushbū vāpas le kar
maiñ ne tujhe terā apnā-pan lauTāyā hai
lamhoñ kā ḳhud.dār hiran chāhat kī ḳhātir
khulī fazā kī vus'at pīchhe chhoḌ chukā hai
ek na.e āġhāz kī dhun meñ koī musāfir
ḳhud apne hī ghar kā rasta bhuul gayā hai
jānī-pahchānī āñkhoñ meñ gumnāmī hai
shohrat kā jaadū sar chaḌh kar bol rahā hai
diwaren KHamosh hain saya bol raha hai
us se mera chhup ke milne ka rishta hai
binai be-manzar ho to chubhne lagegi
mausam ka ehsas to rangon se hota hai
lafzon ki aankhen un ko DhunDa karti hain
jin honTon se baat ka rishta Tut gaya hai
apne har izhaar ki KHushbu wapas le kar
main ne tujhe tera apna-pan lauTaya hai
lamhon ka KHuddar hiran chahat ki KHatir
khuli faza ki wus'at pichhe chhoD chuka hai
ek nae aaghaz ki dhun mein koi musafir
KHud apne hi ghar ka rasta bhul gaya hai
jaani-pahchani aankhon mein gumnami hai
shohrat ka jadu sar chaDh kar bol raha hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
