dikhai de raha hai jo sunai kyon nahin deta

dikhā.ī de rahā hai jo sunā.ī kyoñ nahīñ detā

sunā.ī de rahā hai jo dikhā.ī kyoñ nahīñ detā

judā ho kar bhī vo mujh ko judā.ī kyoñ nahīñ detā

vo apnī qaid se mujh ko rihā.ī kyoñ nahīñ detā

ḳhabar merī ḳhushī kī sun ke jo māyūs baiThā hai

vo merā hai to phir mujh ko badhā.ī kyoñ nahīñ detā

mujhe sab log kahte haiñ burā kahtā hai vo mujh ko

agar ye jhuuT hai to phir safā.ī kyoñ nahīñ detā

mohabbat ke likhūñ naġhme maiñ jis se dil ke safhoñ par

qalam ko ai ḳhudā vo raushnā.ī kyoñ nahīñ detā

sulagtī dopahar ko bhī jo bārish meñ bhigotā hai

vo jalte june se dil ko july kyoñ nahīñ detā

añdherā chhā gayā hai kyoñ 'kiran' har-sū fazāoñ meñ

ziyā meñ bhī tirī ham ko sujhā.ī kyoñ nahīñ detā

dikhai de raha hai jo sunai kyon nahin deta

sunai de raha hai jo dikhai kyon nahin deta

juda ho kar bhi wo mujh ko judai kyon nahin deta

wo apni qaid se mujh ko rihai kyon nahin deta

KHabar meri KHushi ki sun ke jo mayus baiTha hai

wo mera hai to phir mujh ko badhai kyon nahin deta

mujhe sab log kahte hain bura kahta hai wo mujh ko

agar ye jhuT hai to phir safai kyon nahin deta

mohabbat ke likhun naghme main jis se dil ke safhon par

qalam ko ai KHuda wo raushnai kyon nahin deta

sulagti dopahar ko bhi jo barish mein bhigota hai

wo jalte june se dil ko july kyon nahin deta

andhera chha gaya hai kyon 'kiran' har-su fazaon mein

ziya mein bhi teri hum ko sujhai kyon nahin deta