dikhla do naqsh pa-e-rasul-e-amin ko

dikhlā do naqsh pā-e-rasūl-e-amīn ko

tā-mashq sajda ho mire lauh-e-jabīn ko

ai āh-e-dil jo jaave to arsh-e-barīn ko

kahiyo salām iisā gardūñ-nashīn ko

balbe sharār-e-ashk kī garmī ki ab talak

ik aag lag rahī hai mirī āstīn ko

thā maiñ kamīn-e-bosa maiñ bole isī liye

ashrāf muñh lagāte nahīñ haiñ kamīn ko

jab maiñ hañsūñgā aap se ro dījiyegā na

phir tum bahut ho chheḌte is kam-tarīn ko

kahtī ho kyā raqīb ko bhejūñ batā salāh

la.anat hī bhejiyegā yazīd-e-la.īn ko

dekhūñ huuñ gar alif ko to ai dil hazār baar

kartā huuñ yaad tere qad-e-dil-nashīn ko

aave nazar jo laam to aave ḳhayāl-e-zulf

jab scene paḌh ke dekhūñ huuñ dandāñ masīn ko

kartā huuñ terī ulfat-e-dandāñ meñ siin siin

yaañ tak ki pahuñchā huuñ maiñ dam-e-vāpsīn ko

tabdīl-e-bahr se vo ġhazal paḌh ba-āb-o-tāb

'ehsāñ' ḳhushī ho jis se dil-e-sāma.īn ko

dikhla do naqsh pa-e-rasul-e-amin ko

ta-mashq sajda ho mere lauh-e-jabin ko

ai aah-e-dil jo jawe to arsh-e-barin ko

kahiyo salam isa gardun-nashin ko

balbe sharar-e-ashk ki garmi ki ab talak

ek aag lag rahi hai meri aastin ko

tha main kamin-e-bosa main bole isi liye

ashraf munh lagate nahin hain kamin ko

jab main hansunga aap se ro dijiyega na

phir tum bahut ho chheDte is kam-tarin ko

kahti ho kya raqib ko bhejun bata salah

lanat hi bhejiyega yazid-e-lain ko

dekhun hun gar alif ko to ai dil hazar bar

karta hun yaad tere qad-e-dil-nashin ko

aawe nazar jo lam to aawe KHayal-e-zulf

jab scene paDh ke dekhun hun dandan masin ko

karta hun teri ulfat-e-dandan mein sin sin

yan tak ki pahuncha hun main dam-e-wapsin ko

tabdil-e-bahr se wo ghazal paDh ba-ab-o-tab

'ehsan' KHushi ho jis se dil-e-samain ko