dil aaya is tarah aaKHir fareb-e-saz-o-saman mein

dil aayā is tarah āḳhir fareb-e-sāz-o-sāmāñ meñ

ulajh kar jaise rah jaa.e koī ḳhvāb-e-pareshāñ meñ

ye maanā zarre zarre par tumhārī mohr azal se hai

magar kyā merī gunjā.ish nahīñ shahr-e-ḳhamoshāñ meñ

pata us kī nigāh-e-vahshat-afzā kā lagānā hai

nigāheñ vahshiyoñ kī dekhtā phirtā huuñ zindāñ meñ

yahī hai ruuh kā jauhar tum aaoge to niklegā

dam-e-āḳhir rukā hai ek aañsū chashm giryāñ meñ

mirī jam.īyat-e-ḳhātir kā sāmāñ hashr kyā kartā

qayāmat ho ga.ī tartīb-e-ajzā-e-pareshāñ meñ

faroġh-e-lāla-o-ġhul kā tamāshā dekhne vaale

ye mere dil kī choTeñ haiñ jo ubhrī haiñ gulistāñ meñ

'azīz' ārā.ish-e-gulshan kī koī intihā bhī hai

vo mahv-e-sair-e-gul haiñ yā gulistāñ hai gulistāñ meñ

dil aaya is tarah aaKHir fareb-e-saz-o-saman mein

ulajh kar jaise rah jae koi KHwab-e-pareshan mein

ye mana zarre zarre par tumhaari mohr azal se hai

magar kya meri gunjaish nahin shahr-e-KHamoshan mein

pata us ki nigah-e-wahshat-afza ka lagana hai

nigahen wahshiyon ki dekhta phirta hun zindan mein

yahi hai ruh ka jauhar tum aaoge to niklega

dam-e-aKHir ruka hai ek aansu chashm giryan mein

meri jamiyat-e-KHatir ka saman hashr kya karta

qayamat ho gai tartib-e-ajza-e-pareshan mein

farogh-e-lala-o-ghul ka tamasha dekhne wale

ye mere dil ki choTen hain jo ubhri hain gulistan mein

'aziz' aaraish-e-gulshan ki koi intiha bhi hai

wo mahw-e-sair-e-gul hain ya gulistan hai gulistan mein