dil ab asir-e-zulf-e-parishan nahin raha

dil ab asīr-e-zulf-e-parīshāñ nahīñ rahā

jab apnā ġham huā ġham-e-jānāñ nahīñ rahā

shāḳheñ kuchh is tarah se jhuk aa.iiñ mirī taraf

mujh ko lihāz-e-tangī-e-dāmāñ nahīñ rahā

dīvāne rakhte aap kī baḳhiya-garī kī laaj

mushkil ye aa paḌī hai ki dāmāñ nahīñ rahā

aql-o-junūñ meñ sulh karā dī ḳhizāñ ne phir

gulshan meñ koī chāk-garebāñ nahīñ rahā

ai pāsbān-e-parda-e-auhām hoshiyār

dair-o-haram kī qaid meñ insāñ nahīñ rahā

vo valvale haiñ ab na tabassum na qahqahe

jis se mile the aap vo 'ehsāñ' nahīñ rahā

dil ab asir-e-zulf-e-parishan nahin raha

jab apna gham hua gham-e-jaanan nahin raha

shaKHen kuchh is tarah se jhuk aain meri taraf

mujh ko lihaz-e-tangi-e-daman nahin raha

diwane rakhte aap ki baKHiya-gari ki laj

mushkil ye aa paDi hai ki daman nahin raha

aql-o-junun mein sulh kara di KHizan ne phir

gulshan mein koi chaak-gareban nahin raha

ai pasban-e-parda-e-auham hoshiyar

dair-o-haram ki qaid mein insan nahin raha

wo walwale hain ab na tabassum na qahqahe

jis se mile the aap wo 'ehsan' nahin raha