dil bujhne laga aatish-e-ruKHsar ke hote
dil bujhne lagā ātish-e-ruḳhsār ke hote
tanhā nazar aate haiñ ġham-e-yār ke hote
kyuuñ badle hue haiñ nigah-e-nāz ke andāz
apno pe bhī uTh jaatī hai aġhyār ke hote
vīrāñ hai nazar merī tire ruḳh ke muqābil
āvāra haiñ ġham kūcha-e-dildār ke hote
ik ye bhī adā-e-dil-e-āshufta-sarāñ thī
baiThe na kahīñ sāya-e-dīvār ke hote
jiinā hai to jī leñge bahar-taur divāne
kis baat kā ġham hai rasan-o-dār ke hote
dil bujhne laga aatish-e-ruKHsar ke hote
tanha nazar aate hain gham-e-yar ke hote
kyun badle hue hain nigah-e-naz ke andaz
apno pe bhi uTh jati hai aghyar ke hote
viran hai nazar meri tere ruKH ke muqabil
aawara hain gham kucha-e-dildar ke hote
ek ye bhi ada-e-dil-e-ashufta-saran thi
baiThe na kahin saya-e-diwar ke hote
jina hai to ji lenge bahar-taur diwane
kis baat ka gham hai rasan-o-dar ke hote
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
