دل چاک چاک عشق میں ہے سینہ داغ داغ

دل چاک چاک عشق میں ہے سینہ داغ داغ

اس چاک و داغ سے ہو خیابان باغ باغ

کیوں داغ کو نہ ہو مرے دل کی قبا پسند

صحرائے وحشتوں سے یہ دل اور کلاغ داغ

چاک دل و جگر میں بسا جب سے سوز عشق

جلتی ہے آگ عشق سے اور ہیں اجاغ داغ

فرقت میں تیری ساقیا غم کا ہوں میہماں

میری شراب خون جگر ہے ایاغ داغ

ہوتے ہیں لاکھ ناز رفیق شفیق کو

بے جا نہیں ہے دل سے کرے گر دماغ داغ

میں تیرے دود زلف سے اے شمع تیرہ روز

میری شب سیہ سے فلک کا چراغ داغ

اپنا سبق ہمیشہ رہا عین و شین و قاف

تحصیل سے ہماری ہیں اہل دماغ داغ

رہزن طریق شوق میں ہے خواہش دلیل

گر آتش طلب ہے زبان سراغ داغ

جاں سوز تر تھا وصل شہیدیؔ فراق سے

عاشق کی سیر گشت سے ہیں باغ داغ داغ