dil dhaDakne laga fariyaad ki naubat aai

dil dhaḌakne lagā fariyād kī naubat aa.ī

tum chale uTh ke mirī jaan qayāmat aa.ī

aap ke zulm ne dī merī vafā ko shohrat

ki mire ḳhuun se bhī bū-e-mohabbat aa.ī

sach hai marne pe nahīñ koī kisī kā dil-soz

sham.a bhī bujh ga.ī jis dam sar-e-turbat aa.ī

aah se merī zamīñ hil ga.ī taare TuuTe

maiñ ye samjhā ki zamāne meñ qayāmat aa.ī

muskurāte hue duniyā se ga.e ahl-e-vafā

jaan de dene se chehre pe bashāshat aa.ī

dil dhaDakne laga fariyaad ki naubat aai

tum chale uTh ke meri jaan qayamat aai

aap ke zulm ne di meri wafa ko shohrat

ki mere KHun se bhi bu-e-mohabbat aai

sach hai marne pe nahin koi kisi ka dil-soz

shama bhi bujh gai jis dam sar-e-turbat aai

aah se meri zamin hil gai tare TuTe

main ye samjha ki zamane mein qayamat aai

muskuraate hue duniya se gae ahl-e-wafa

jaan de dene se chehre pe bashashat aai