dil dhaDakta hai ki tu yar hai saudai ka

dil dhaḌaktā hai ki tū yaar hai saudā.ī kā

tere majnūñ ko kahāñ paas hai rusvā.ī kā

barg-e-gul se bhī kam ab koh-e-ġham us ne jaanā

ye bharosā to na thā dil kī tavānā.ī kā

kījiye chaak garebāñ ko bahār aa.ī hai

zikr be-lutf hai yaañ sabr o shakebā.ī kā

sarv sābit-qadam is vāste gulshan meñ rahā

nahīñ dekhā kabhī jalva tirī rānā.ī kā

zor manzūr-e-nazar to tū 'fuġhāñ' rakhtā hai

maiñ to banda huuñ tirī chashm kī bīnā.ī kā

dil dhaDakta hai ki tu yar hai saudai ka

tere majnun ko kahan pas hai ruswai ka

barg-e-gul se bhi kam ab koh-e-gham us ne jaana

ye bharosa to na tha dil ki tawanai ka

kijiye chaak gareban ko bahaar aai hai

zikr be-lutf hai yan sabr o shakebai ka

sarw sabit-qadam is waste gulshan mein raha

nahin dekha kabhi jalwa teri ranai ka

zor manzur-e-nazar to tu 'fughan' rakhta hai

main to banda hun teri chashm ki binai ka