dil dhaDakta hai to aati hain sadaen teri

dil dhaḌaktā hai to aatī haiñ sadā.eñ terī

merī sāñsoñ meñ mahakne lagīñ sāñseñ terī

chāñd ḳhud mahv-e-tamāshā thā falak par us dam

jab sitāroñ ne utārīñ thiiñ balā.eñ terī

sher to roz hī kahte haiñ ġhazal ke lekin

aa kabhī baiTh ke tujh se kareñ bāteñ terī

zehn-o-dil tere tasavvur se ghire rahte haiñ

mujh ko bāhoñ meñ liye rahtī haiñ yādeñ terī

kyuuñ mirā naam mire sher likhe haiñ in meñ

chuġhliyāñ kartī haiñ mujh se ye kitābeñ terī

be-ḳhabar oT se tū jhāñk rahā ho ham ko

aur ham chupke se tasvīr banā leñ terī

dil dhaDakta hai to aati hain sadaen teri

meri sanson mein mahakne lagin sansen teri

chand KHud mahw-e-tamasha tha falak par us dam

jab sitaron ne utarin thin balaen teri

sher to roz hi kahte hain ghazal ke lekin

aa kabhi baiTh ke tujh se karen baaten teri

zehn-o-dil tere tasawwur se ghire rahte hain

mujh ko bahon mein liye rahti hain yaaden teri

kyun mera nam mere sher likhe hain in mein

chughliyan karti hain mujh se ye kitaben teri

be-KHabar oT se tu jhank raha ho hum ko

aur hum chupke se taswir bana len teri