dil Dubne laga hai tawanai chahiye

dil Dūbne lagā hai tavānā.ī chāhiye

kuchh vaar mujh ko zahr-e-shanāsā.ī chāhiye

kal tak the mutma.in ki musāfir haiñ raat ke

ab raushnī milī hai to bīnā.ī chāhe

taufīq hai to vus.at-e-sahrā bhī dekh leñ

ye kyā ki apne ghar kī hī añgnā.ī chāhiye

armān thā tumhīñ ko ki sab saath meñ raheñ

ab tum hī kah rahe ho ki tanhā.ī chāhiye

halkī sī is jamāhī se maiñ mutma.in nahīñ

band-e-qabā kā ḳhauf kyā añgḌā.ī chāhiye

jo log aa.ine se bahut duur duur the

un ko bhī aaj bazm-e-ḳhud-ārā.ī chāhiye

shā.istagān-e-shahr meñ mat kījiye shumār

mardūd-e-ḳhalq huuñ mujhe rusvā.ī chāhiye

dil Dubne laga hai tawanai chahiye

kuchh war mujh ko zahr-e-shanasai chahiye

kal tak the mutmain ki musafir hain raat ke

ab raushni mili hai to binai chahe

taufiq hai to wusat-e-sahra bhi dekh len

ye kya ki apne ghar ki hi angnai chahiye

arman tha tumhin ko ki sab sath mein rahen

ab tum hi kah rahe ho ki tanhai chahiye

halki si is jamahi se main mutmain nahin

band-e-qaba ka KHauf kya angDai chahiye

jo log aaine se bahut dur dur the

un ko bhi aaj bazm-e-KHud-arai chahiye

shaistagan-e-shahr mein mat kijiye shumar

mardud-e-KHalq hun mujhe ruswai chahiye