دل بیتاب کا پیام لیا
پھر کسی نے مرا سلام لیا
روٹھ کر ہم سے تو نے اے ظالم
کس خطا کا ہے انتقام لیا
ہو کے مجبور جوش الفت سے
ہم نے دامن کسی کا تھام لیا
پھول جھڑنے لگے زباں سے مری
جب کسی گل بدن کا نام لیا
کام آئے نہ عقل و ہوش جہاں
ہم نے دیوانگی سے کام لیا
ڈگمگاتے ہوئے مرے دل کو
اس حسیں اجنبی نے تھام لیا
شدت رنج و غم میں اے نیرؔ
ہم نے جام و سبو سے کام لیا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
