dil-e-betab ko bahla chuki hun

dil-e-betāb ko bahlā chukī huuñ

sitāre āsmāñ se lā chukī huuñ

nigāh-e-kahkashāñ se pūchh lenā

shuā-e-zindagānī pā chukī huuñ

ḳhirad kī tañg vaadī se nikal kar

junūñ kī manzilat apnā chukī huuñ

añdheroñ meñ charāġhāñ karne vaalo

ujāloñ meñ añdherā pā chukī huuñ

zamīñ kī pastiyoñ ko kyuuñ gila hai

jinheñ maiñ āsmāñ batlā chukī huuñ

jahāñ par aql ruk jaatī hai aksar

tasavvur meñ vahāñ tak jā chukī huuñ

tire kirdār meñ muzmar hai azmat

tujhe ai zindagī samjhā chukī huuñ

mohabbat sirf rūhānī kashish hai

ġham-e-hastī tujhe apnā chukī huuñ

shu.ūr-e-zīst nā-mumkin nahīñ hai

nigāh maut ko sharmā chukī huuñ

azīzo bā-vafā fazl-e-ḳhudā se

maqām-e-bandagī apnā chukī huuñ

dil-e-betab ko bahla chuki hun

sitare aasman se la chuki hun

nigah-e-kahkashan se puchh lena

shua-e-zindagani pa chuki hun

KHirad ki tang wadi se nikal kar

junun ki manzilat apna chuki hun

andheron mein charaghan karne walo

ujalon mein andhera pa chuki hun

zamin ki pastiyon ko kyun gila hai

jinhen main aasman batla chuki hun

jahan par aql ruk jati hai aksar

tasawwur mein wahan tak ja chuki hun

tere kirdar mein muzmar hai azmat

tujhe ai zindagi samjha chuki hun

mohabbat sirf ruhani kashish hai

gham-e-hasti tujhe apna chuki hun

shuur-e-zist na-mumkin nahin hai

nigah maut ko sharma chuki hun

azizo ba-wafa fazl-e-KHuda se

maqam-e-bandagi apna chuki hun