dil-e-fariyaadi ne rah rah ke pukara mujhko

dil-e-fariyādī ne rah rah ke pukārā mujh ko

ye samajhtā hai 'ahad' vaj.h-e-ḳhasāra mujh ko

bach gayā mauj-e-kashākash se maiñ lekin phir bhī

na milā bahr-e-aziyyat kā kināra mujh ko

vo bhī ik shaḳhs mujhe chhoḌ ke chup-chāp gayā

jo ye kahtā thā ki hai terā sahārā mujh ko

bas isī baat ne āsān kiyā hai jiinā

us se milnā hai kisī roz dubāra mujh ko

log to milte hī rahte haiñ rah-e-zīst meñ par

kahāñ mumkin hai sukūñ un se tumhārā mujh ko

dil-e-fariyaadi ne rah rah ke pukara mujh ko

ye samajhta hai 'ahad' wajh-e-KHasara mujh ko

bach gaya mauj-e-kashakash se main lekin phir bhi

na mila bahr-e-aziyyat ka kinara mujh ko

wo bhi ek shaKHs mujhe chhoD ke chup-chap gaya

jo ye kahta tha ki hai tera sahaara mujh ko

bas isi baat ne aasan kiya hai jina

us se milna hai kisi roz dubara mujh ko

log to milte hi rahte hain rah-e-zist mein par

kahan mumkin hai sukun un se tumhaara mujh ko