dil-e-gharib kahan paega nishan apna

dil-e-ġharīb kahāñ pā.egā nishāñ apnā

luTā ke shahr-e-nigārāñ meñ kārvāñ apnā

harīm-e-nāz se karb-o-alam ke zindāñ tak

kahāñ kahāñ na huā ḳhuun rā.egāñ apnā

ḳhudā kā shukr bajā laao soḳhta jaano

zamīn dost se kam-tar hai āsmāñ apnā

dil-o-nigāh ke sajdoñ kī baat kar vaa.iz

jabīn-e-shauq ko hāsil hai āstāñ apnā

kuchh aur zabt se le kaam ai dil-e-nādāñ

milā huā hai raqīboñ se rāz-dāñ apnā

gilā bhī un ke sitam ka na kar sake 'shāhid'

hazār baar liyā ham ne imtihāñ apnā

dil-e-gharib kahan paega nishan apna

luTa ke shahr-e-nigaran mein karwan apna

harim-e-naz se karb-o-alam ke zindan tak

kahan kahan na hua KHun raegan apna

KHuda ka shukr baja lao soKHta jaano

zamin dost se kam-tar hai aasman apna

dil-o-nigah ke sajdon ki baat kar waiz

jabin-e-shauq ko hasil hai aastan apna

kuchh aur zabt se le kaam ai dil-e-nadan

mila hua hai raqibon se raaz-dan apna

gila bhi un ke sitam ka na kar sake 'shahid'

hazar bar liya hum ne imtihan apna