دل حزیں ہے ترے غم میں بے قرار بہت

دل حزیں ہے ترے غم میں بے قرار بہت

یہ چشم غم ہے شب و روز اشک بار بہت

سدا سے شہر میں تیرے خلوص ہے نایاب

جو بے خلوص ہیں ٹھہرے ہیں با وقار بہت

ترے فراق میں اب دل اجاڑ نگری ہے

یہی وہ پیڑ ہے جس پر تھے برگ و بار بہت

صبائے ناز کو دیکھا ہے وجد میں میں نے

کہیں ہے زلف سیہ فام مشک بار بہت

ادا و ناز سے صحن چمن میں کون آیا

گلوں پہ رنگ نیا ہے نئی بہار بہت

رواں ہے اس کی محبت میں جانے کب سے اثر

ہزار رنگ لئے دل کی جوئے بار بہت