dil-e-hazin hai tere gham mein be-qarar bahut

dil-e-hazīñ hai tire ġham meñ be-qarār bahut

ye chashm-e-ġham hai shab-o-roz ashk-bār bahut

sadā se shahr meñ tere ḳhulūs hai nāyāb

jo be-ḳhulūs haiñ Thahre haiñ bā-vaqār bahut

tire firāq meñ ab dil ujāḌ-nagrī hai

yahī vo peḌ hai jis par the barg-o-bār bahut

sabā-e-nāz ko dekhā hai vajd meñ maiñ ne

kahīñ hai zulf-e-siyah-fām mushk-bār bahut

adā-o-nāz se sehn-e-chaman meñ kaun aaya

guloñ pe rang nayā hai na.ī bahār bahut

ravāñ hai us kī mohabbat meñ jaane kab se asar

hazār rang liye dil kī jū-e-bār bahut

dil-e-hazin hai tere gham mein be-qarar bahut

ye chashm-e-gham hai shab-o-roz ashk-bar bahut

sada se shahr mein tere KHulus hai nayab

jo be-KHulus hain Thahre hain ba-waqar bahut

tere firaq mein ab dil ujaD-nagri hai

yahi wo peD hai jis par the barg-o-bar bahut

saba-e-naz ko dekha hai wajd mein main ne

kahin hai zulf-e-siyah-fam mushk-bar bahut

ada-o-naz se sehn-e-chaman mein kaun aaya

gulon pe rang naya hai nai bahaar bahut

rawan hai us ki mohabbat mein jaane kab se asar

hazar rang liye dil ki ju-e-bar bahut